Mynta ka sngi Saitjain (04/02/2023) kila don haduh 6 ngut ki kyrtong na ki Party bapher bapher kila wan ban thep kyrteng ha ophis u Deputy Commissioner ka West Jaintia Hills District.
Kine ki kyrtong ki kynthup ia u ma Sniawbhalang Dhar na ka party NPP, u ma Nujorki Sungoh na ka party UDP, u Coming One Ymbon na ka party NPP kiba dei lypa ki MLA jong ka samoi ba la dep. Nalor kine la wan ban thep kyrteng ruh sa u ma Chemhok Garod na ka party PDF, uma Richad Singh Lyngdoh na ka party INC, kine ar ngut ki la ju jop teng kum ki MDC jong ka JHADC. Sa uwei ba wan thep kyrteng mynta ka sngi ha Jowai u dei u ma Lasting Suchiang na ka party ITC.
Kumba long haduh mynta kiba la thep kyrteng na ka 1- Nartiang Constituency ki dang dei tang u ma Sniawbhalang Dhar, na ka 3-Raliang ki don lai ngut u ma Coming One Ymbon, u ma Chemhok Garod bad u ma Richard Singh Lyngdoh bad na 4-Mowkaiaw Constituency pat ki don ar ngut u ma Nujorki Sungoh bad u ma Lasting Suchiang.
