U Symbud Myntri Rangbah ka sorkar jylla u ma Sniawbhalang Dhar ha ryngkat u MLA ka Jowai Constituency u ma Wailadmiki Shylla mynta ka sngi 21 tarik u Naiwieng kila jurip ïa ka jingpyntrei thymmai ïaka ‘Iawmusiang Market Complex’ bad ïa kane ka projek la tip kum ka (Re-Development of Iawmusiang Market Jowai).
Na ka liang u Symbud Myntri Rangbah haba ai jingkren sha ki lad pathai khubor ula ong ba ka kam mynta hapoh ka jingpyntrei jong u Contractor ma Pyrkhat Hinge ïa katei ka Complex kala ïaid shait shait la kumba 78%+ bad kaba sngewkmen la kumno kumno ka kam hapoh shisnem yn pyndep noh ïa ka.
‘Ka jingpyndep ïa kane ka ïew kan wanrah jingmyntoi kaba khraw eh na ka bynta ka bha ka miat jong ka Jowai Constituency, namar kane ka ïew ka dei ka nongbsa ja ïaka sor Jowai bad ïaka Ri-Lum Jaiñtia hi baroh kawei’.
“Ha ka juh ka por ula pyntip katkum ka DPR yn pyndep shwa ïa ka katkum ka plant, haoid ka don ka jingpynkylla ïaka rukom shna ha ki katto katne ki bynta ka ïew, khamtam ha ki bynta ba pdeng jong ka ïa kaba la thmu ban buh da ka tnum, hynrei la shna noh da ka slap (cement) katkum ka jingdawa jong ka jaka khnang ban shngaiñ hadien habud” la ong u ma Sniawbha.
La ong ruh hadien bala dep ban pynshna ïa kane ka ïew yn peit bad khmih ïa ka da ka Jaiñtia Hills Autonomous District Council (JHDAC) Jowai. Lada don kano kano ka jingduna jong ki dukan bad ka jingdon ki Permit yn sa pynbeit ban leh ïa kaba donkam hadien, la ong u ma Sniawbhalang Dhar.
Ïa kane ka jingpyntrei la plie mawnongrim ban shna thymmai da u symbud myntri rangbah ka jylla u ma Sniawbhalang Dhar haka 13 tarik u Nohprah, 2024 haka jinglut kaba 25 klur 60 lak tyngka bad la thmu ban pyndep hapoh 24 bnai.
