Hadien ka jingioh jingtip kaba thikna jong ka kynhun Anti-Narcotics Task Force (ANTF), Meghalaya bad ki Pulit jong ka East Jaintia Hills District, ki la pynlong da ka jingiatrei lang ia ka jingkhynra hapoh ka ha ki thaiñ ka Lumshnong Police Station bad ha Umkiang Police Patrol Post ha ka step jong ka 17 tarik Nailur 2025.
Ha kane ka jingkhynra, ka kynhun la ioh ban kem ia lai ngut ki kynthei kiba la suba ba ki dei ki nongdie ki kynjah jingdih pynbuaid, hadien ka jingkhynra la ioh kurup ia saw tylli ki beg kiba don hapoh jong ki haduh 80 tylli ki synduk sabon kiba don haduh 961.33 gram u heroin.
Hadien kane ka jingtip, ha ka miet jong ka 16 tarik Nailur 2025, ha ka por kumba 11 baje mynmiet, ka kynhun ANTF Meghalaya bad ka Pulit jong ka East Jaintia Hills District kila pynlong ka jingap ktem ha Umkiang Patrol Post bad ha ka por kumba 11 baje mynstep ha ka 17 tarik Nailur 2025, ka kynhun pulit bad ANFT, ki la ioh ban bat ia kawei ka kali (Maruti Suzuki S-Presso) bad ioh kem ia kine ki briew, kiba kynthup ia ka Kimnei (33), ka Dimkhothing (47) bad ka Ngaiting (40) baroh ki long ki nongshong shnong jong ka Khongjom, PS Tengnoupal, Manipur.
Ha kane ka jingkhynra, ka kynhun la ioh ban kem ia lai ngut ki kynthei kiba la suba ba ki dei ki nongdie ki kynjah jingdih pynbuaid, hadien ka jingkhynra la ioh kurup ia saw tylli ki beg kiba don hapoh jong ki haduh 80 tylli ki synduk sabon kiba don haduh 961.33 gram u heroin, uba shong dor kumba 4 klur tyngka.
Ha ka jingiadei bad kane ka jingioh kurup, la register ia ka case ha Lumshnong Police Station hapoh ka NDPS Act bad ka jingtohkit ka dang iaid ban lap shaphang jong ki briew kiba don bynta shuh shuh ha kane ka kam beaiñ.
