U Deputy Commissioner, East Jaintia Hills District, Khliehriat ula pyntip paidbah sha baroh ki nongshong shnong jong ka East Jaintia ba katkum ka hukum jong ka ïingbishar badonburom jong ka Supreme Cout ka ri India katkum ka Writ Petition (Civil) No.539 of 2021 la shah ia ki trai ïing ban ioh ia ka jingiarap kaba ai da ka sorkar na ka bynta kito ki dkhot ka ïing kiba la khlad noh na u Covid-19 ba ki lah ban kam ia kane ka jingjia hapoh ka 60 sngi ia kiba khlad hapoh ka 20.03.2022.
Katba mynta pat ka hukum kala shah ba kito kiba la khlad hadien jong ka 20.03.2022 ki trai ïing kin lah ban kam ia ka jingiarap haduh 90 sngi hadien ka por ba khlad na kane ka jingpang Covid-19.
Ki nongioh jingiarap ki dei ban wan mih sha ka ophis jong u Deputy Commissioner ka East Jaintia Hills District da kaba kin wanrah ia ka Application, ka Death Certificate, Certificate ba pynshisha ia ka daw jong ka jingiap, ka Bank Passbook, ka Epic bad ki Contact Details.