Ki nongtrei Security Guard jong ka JUD Cement Factory (Best Cement), khamtam kiba dei ki trai jylla kim shym la ioh ia ka jingsiew ne ka tulop la kumba shi snem tam ong u bah Wailad Nongtdu u ba long u Public Liaison Officer / So, uba dei peit ia ka kynhun nongtrei jong ki sha katei ka thaiñ.
Na ka liang u bah Nongtdu u la ong balei ba kiwei kiba dei ki bar jylla kiba dang shu wan trei dang tang khyndiat por ki ioh ia ka jingsiew katba kine kiba dei trai jylla nalor ba ki la trei slem katei ka kharkhana pynmih dew bilat ka dang bat ia ka tulop jong ki. U la ong ba un ai por kumba shi taiew ia kane ka kharkhana ban siew ia ka tulop jong ki bad lada kam siew ha poh katei ka por yn khang tala syndon ia kane ka kharkhana JUD.