Ka Hynniewtrep Integrated Territorial Organization (HITO) Environment Protection Cell hapoh ka jingialam u General Secretary Sengkmie uba dei ruh u Chairman ka Environment Protection Cell ryngkat bad ki nongialam ka West Jaiñtia Hills naduh u General Secretary Cresene Ksoo Khiejoit Niang, Baristerwell Shylla ED.Tang bad kiwei kiwei kila hair jurip ia ka Wah Myntdu ban lap iaka jingshisha hadien ba ka um dih bala pynpoi sha ki thliew ïing hapoh sor Jowai kala kylla rong bad jakhlia naka daw jong ka jingtrei khlem buh kyndon kawei ka company trei surok kaba la tip kum ka Dhar Construction Company kaba trei ia u surok Khliehtyrchi -Treïongriang bypass bad la lap ba ka jingkylla rong ka um bad ka jingjakhlia kane ka wah dei na ka jingpyntrei ia une u surok bad ka jingpyntuid iaka khyndew shaka wah khlem da lah ban tehlakam iaka jingbret iaka khyndew haba pyntrei ia une u surok.
Na ka liang ka seng kala buh jingkylli ruh iaka sorkar sha ei jah kita ki expert ki consultant kiba ka sorkar kala thung ban peitngor iaki kam bala bynshet haki bad ka seng ruh kala buh jingkylli ruh iaka NGT ba sha ei jah ka NGT ha kum kine ki por lada ka NGT ka lah ban tuklar iaki kam khaïi bad tih dewiong balei kim tuklar ruh ia kane ka kam khamtam kaba ktah ia ka koit ka khiah jong ki nongshong shnong ka Jowai bad naka liang ka seng kala ong ruh lada ki bor ba dei peit kim shim khia ia kane ka kam ka seng kan shim da ka sein jam kaba tyneh.
Shuh shuh u bah Dkhar u la ong ba ha ki snem bala dep ka tnad PHE kala dep ban pynbna ba ka Umngot Water supply kaba dei ka Water Supply Scheme ka ban pynpoi um sha ka shnong Jowai kala long kaba la dep hynrei ngi iohi ba haduh kine ki sngi ka sor Jowai ka dang shaniah hi ha ka Wah Myntdu.
Ngi sakhi ruh ia ka jingpyrkhing bad jingmana ka NGT haki snem bala dep ban tei ia kino ki kingtei harud ka wah Myntdu hynrei haba ngi ioh i pat ia kane ka jingpyntrei ia une u bypass ym don ba tuklar ne peit hato katei ka company ka la ioh jingbit bit ne em na ka Ministry of environment and forest kaba la tip kum ka Environmental Clearance bad naka Polution Control Board ban peit iaka jingjakhlia ka wah, kamut ba don kaei re kaei sha lyndet bad haba kumne ka jingpyntrei kam iaki aiñ ki kyndon ka long kaba leh shilliang khmat la pynkut ka kyrwoh.
