Ka Khasi Student’s Union (KSU) ha ka jingiadon lang u President Rangbah duh ka Seng u Samla Lambokstar Marngar bad U General Secretary Samla Donald V. Thabah lem bad ki Nongialam ka KSU West Jaiñtia Hills kila leit hiar sha Mukroh ha ka ban leit jngoh bad ai mynsiem biang ia ki long ïing jong kito ki Llnot kiba shah siat iap ha u kuli jong ki Pulit Assam.
Ha katei ka Sngi ka Seng ka la ia kynduh ruh ia ki Pulit Nongap pahara ha katei ka jaka kiba la iathuh ia ka jingduna ki Pulit bad ruh ki tiar jingiada.
Ka Seng ka la lap ba haduh mynta ym pat don ki dak ki shin ban buh ia ka BOP ha katei ka jaka kaba long ka jingeh bad ka jingbym shngaiñ ia ki nong Shong Shnong ka Mukroh bad ki thaiñ ba marjan.
Haka jingia kynduh bad ki Nongialam Shnong kiba la pynsngew ba ki dang don ha ka jingeh bad bym sngew shngain, lada ka Sorkar kam lah ban buh ia ka BOP haduh ba kut u Pud jong ka Shnong kam don jingmut ei ei, la pynpaw ki nongialam shnong ha khmat ka KSU.