Ka West Jaiñtia District Sports Association, (WJDSA) Jowai shen kan sa sdang noh ïa ka lympung ïalehkai phutbol kaba la tip kum ka “Chatister Kharkongor Memorial Trophy 1st Division Football Tournament – 2023 kaba la long mynta ka sngi ha madan Kiang Nangbah Stadium, Dongmihsngi Jowai.
Haba phai sha ka jingïakhun ka Sabahmuswang kala lah ban pynliem da 2-1 kol ïa ka Mookyndur, ïa ki kol na ka Sabahmuswang la thep da u Dayo Shylla haka minit ba 42 bad u Lakhon Dhar haka minit ba 47. Katba ïa ka shikol na ka Mookyndur la thep da u Jomsing Pariat haka minit ba 90+9.
Ka jingïakhun ha ka 3.10.2023 kan long hapdeng ka Demthring pyrshah ïa ka Mukhla Evergreen haka por 2 baje nohphai sngi.