U wei u samla nongtrei bylla tih umdih ula hap shapoh kawei ka thliew um kaba jylliew haduh 40 phut na ka daw jong ka jingdkut noh jong u tyllai uba pyndonkam ban hiar sha trai katei ka thliew um.
Katkum ka khubor ba la ioh lum la iathuh ba utei u samla u dang thmu ban hiar shatrai katei ka thliew um ban iatrei lang bad kiwei pat ki para nongtrei, hynrei sniewbok ba hamar ba la poi mar shiteng katei ka thliew um u tyllai uba ki pyndonkam ban hiar ban kiew ula dkut noh. Ha kane ka jingjia une u samla ula hap ha ka jingjylliew kaba ym duna shuh ia ka 20 phut bad ula mynsaw jur. Kane ka jingjia kala jia ha ka por kumba 2 baje ei ei janmiet ha ka shnong Moowamon Mihmyntdu.
Ha kaba iadei bad kane la ai jingtip sha ki bor pulit kiba kynthup ia ka Meghala Fire & Emergency Service bad ka Civil Defence (Home Guards) ban wan iarap sei ia utei u samla. Dei tad haduh ka por 4 baje janmiet kane ka kynhun ka la ioh ban sei ia utei u samla bad la pynkit ia u mar mar sha ki jaka ai jingsumar.