Kut noh ka Khelo India Women’s League East Zone Wushu Championship kaba la pynlong da ka Meghalaya Wushu Association (MWA) ha ryngkat ka jingkyrshan ka Wushu Association of India (WAI) kaba la ai bor da ka Sport Authority of India (SAI) kaba hap hapoh ka Ministry of Sports & Youth Affairs, Government of India.
Haduh kumba 600 ngut tam ki nong iashim bynta na 10 tylli ki State ki ba hap hapoh ka East Zone ki la wan iuh kjat ha Shillong ban ia shim bynta ha ka Khelo India Women’s League East Zone Wushu Championship kaba la pynlong da ka MWA ha NEIGRIHMS Indoor Stadium, Mawdiangdiang, Shillong naduh ka 9th haduh ka 13 tarik u Nailar (Aug. 2024). Kala long shisha ka History kaba la i shong kun bad shong shit shibun ha katei ka sngi plie ha kaba la wan plied da U (Prof) Dr. Nalin Mehta , Director, Neigrihms kum u Kongsan (Chief Guest) ha ryngkat ka jingiadonlang u Shri.B.D.R. Tiwari (IAS), Commissioner Secretary jong u Governor ka Meghalaya & U Brigadier Neelesh Anand Pagulwar, Commandant ka Assam Regiment Centre(ARC) kum ki Guest of Honor.
La ia don lang ryngkat ruh U Dr. Daniel u Medical Superintendent ka Neigrihms , U Major Assalawalekum (Olympian) ARC bad U Shri. Bimoljit Singh ki ba dei ruh ki Arjuna awardee ha ri India.
Ka jingiakhun ka la long kaba iaid beit iaid ryntih ha baroh ki 4 sngi lynter ryngkat ka jing wan jngoh bad ai mynsiem da ki ba bun ba lang. Ha ka 11 tarik Sngi U Blei ki Guest kiba la wan ki long U Bah Francis Marwein Retd. Director SAI bad U J.R.Marak Retd. Astt.Director Sport ka Meghalaya bad u President ka Meghalaya Gymnastic Association.
Ia ka Closing Ceremony bad Prize distribution la wan ban long Kongsan (Chief Guest) da i Madam Idashisha Nongrang (IPS), Director General of Police, Government of Meghalaya . Ha ka jingkren kum Ka Kongsan i la ai mynsiem shibun ia ki Kynthei baroh ban long ki ba minot ban trei shitom na ka por sha ka por khnang ban dup lah ban wanrah nam burom ha ki kyrdan bapher bapher na ka bynta ka Ri baroh kawei.
Kiwei pat ki Guests ki ba la ia wan sha ka tei ka Closing Ceremony ki kynthup ia Shri.T.S Chauvan, Dy.Director SAI (Regional), U Bah Mairom Kharkrang (IPS) Retd. Superintendent of Police mynta kum U Chief Spokeperson jong ka BJP, U Bah Thomas Passah Retd. Wing Commander ka Air Force mynta kum U Working President ka Khun U HynniewTrep National Awakening Party (KHNAM). Ryngkat ki dkhot ka Wushu Association of India U Shri. Muraly Choudhury, Treasurer ka WAI, U Shri. Suheil Ahmed Chief Adviser Secy.WAI, U Shri. Donny Raphael Ranee, President Meghalaya Wushu Association (MWA) E.C.member WAI & Chief Organizer Khelo India Women’s League Wushu East Zone bad U Shri.Shambu Seth Chief Technical Director WAI. La hap pynsangeh noh ia ka jingwan jong i Shri.Metbah Lyngdoh MLA ka Mairang na ka daw ba la pynkut kham kloi noh ia ka program.
Ka Meghalaya Wushu Team kaba dang pynrung thymmai ia ki Kynthei ialehkai haduh kumba 80 ngut na Tura, Nongstoiñ ,West Jaiñtia, East Jaiñtia, Ri-Bhoi bad East Khasi Hills ka la lah ban ioh tang kumba 10 tylli ki medal ha katei ka jingiakhun. Ka Manipur ka la ioh khur ia ka Champion Trophy bud sa ka Assam ia ka 1st Runner’s – Up trophy bad ka Bihar Wushu Team ia ka 2nd Runner’s-Up trophy.
Ha kawei pat ka Khubor kaba iadei bad katei ka Championship ka ladon ka jingshah khot sngewbha da u Shri. C.H Vijaya Shankar ,Governor Ba don burom ka Meghalaya ia ki nongjop medal baroh sha Raj Bhavan. Ha katei ka program ha ryngkat u Governor la ia donlang ruh u Shri. BDR Tiwari, Secretary bad ki nongshah khot sngewbha (Invitees). Hadien ba la pynrwai ia ka National Anthem La pyniaid ia ka (program) (address) ia ka jingialang da U Shri.Muraly Choudhury , Treasurer ka Wushu Association of India . Ia u Governor la pynkup burom (Felicitate) da u Bah Donny Raphael Ranee, President Meghalaya Wushu Association da ka Traditional JainRyndia bad Ia u syntiew la ai da ka International medalist achiever kaba dei na Manipur.
Na ka liang ka Wushu Association of India la ai jingkren da u Shri. Suheil Ahmed bad hadien pat la ioh ka jingkren na u Governor ka Meghalaya u ba la kren pynshlur bad ai mynsiem ia baroh ki athletes. U la kular ruh ban iadon ryngkat bad ka Wushu Team ha ka National Wushu Championship ka ban sa long ha u 2025 ha Shillong. Hadien ba la ia dep shondur lang bad u Governor La pynkut ia ka program da ka National Anthem bad la bteng pat da ka jingia dihsha sngewbha ki nongshah khot sngewbha baroh.
