Ka Department of Arts & Culture jong ka sorkar jylla ha ryngkat bad ka Darrang Elaka, kila pynlong ïa ka Umngot Traditional Boat Race bad Tri Hills Ensemble Festival, ha ka 12 bad 13 tarik u Nohprah 2025 ha shnong Darrang, West Jaiñtia Hills Diatrict.
Ha ka sngi nyngkong jong ka 12 tarik u Nohprah 2025, la sakhi ïa ka jingwan poi ki lieng tynrai ryngkat bad ki riew paidbah kiba la shah pdiang sngewbha da ka Darrang Elaka da ki rukom tynrai. Napdeng ki riew paidbah kiba la wan jingïadon bynta ki kynthup ïa Bah Fredrick Roy Kharkongor, IAS, Principal Secretary, Arts & Culture Department, Government of Meghalaya bad Bah Meghan O’Regan, Head of Welsh Government, British Deputy High Commission.
La pynshong shit shuh shuh ïa kane ka sngi da ki jingwai bad ki jingshad bapher bapher.
Katba ha ka sngi kaba Ar jong ka 13 tarik u Nohprah, la pynlong ïa ki jingïalehkai paidbah ba kynthup ïa ka Traditional Boat Race, Swimming, Water Polo, Diving bad Ngam Um, hadien kata la pynlong ïa ka jingsam khusnam. U Bah Lahkmen Rymbui, u myntri ka pule puthi ula long kum u kongsan.
U Myntri ula ong ka jingpynlong ïa kane ka tamasa ka long kum ka lad ban kyntiew ïa ka kam jngohkai nalor ka jingkhuid ka wah Umngot. Ula pynsngew ïa ki kam pynbha ïa ka wah lyngba ka jingïarap jong ka Asian Development Bank, ka jingithuh ïa ka wah Umngot kum National Waterway–106, bad ïa ka surok kum National Highway–206.
Ula ïathuh ruh ïa ki jingeh ha ka jingïoh jaka ban pynheh surok bad u kyrpad ïa ka jingïatreilang jong ki paidbah nongshong shnong ban ïatreilang na ka bynta ki kam pynroi hapoh ka jingïalam jong u myntri rangbah ka sorkar jylla u Conrad K. Sangma.
La pyntip ba ki nongjop ha ka Umngot Traditional Boat Race ki long 1st: Charli Ryngksai Team, 2nd: Pohktai Team, 3rd: Pahuh Team
Ha ka Swimming – Shynrang (Senior) 1st: Bah Maldini Ryngksai, 2nd: Bah Rison Ryngksai, 3rd: Bah Torist Ryngksai
Haka Swimming – Shynrang (Junior) 1st: Bah Paul Ryngksai, 2nd: Bah Mewan Khongtiram, 3rd: Bah Balen Lamin
Ha ka Swimming – Kynthei 1st: Miss Barilon Khongmuloh, 2nd: Mrs. Miat Pohlong, 3rd: Miss Naka Rithiang Syngkrem
Ha ka Boating – Kynthei 1st: Shibakha Team, 2nd: Mrs. Greeting Kongwang, 3rd: Mrs. Rose Ryngksai
Haka Water Polo – Shynrang 1st: Frank Adventure, 2nd: Sam Lamin
Katba ha ka jingïakop Ngam Um – Shynrang 1st: Bah Kaka Ryngksai, 2nd: Bah D.E. Ryngksai, 3rd: Bah RJ Kongwang.
