Ka Hynnniewtrep Integrated Teritorial Organisation (HITO), Jaintia Hills mynta ka sngi (28.04.2022), ha ka jingialam u samla Lawyerson War President ryngkat u Organising Secretary u samla Iomiki Passah, kila leit tur shah ka ophis jong ka Jio, kaba don ha sor Jowai ban dawa ban pynbha ia ka jingthut palat ka Network jong kane ka company, ha baroh ka rilum Jaintia.
Ha kaba iadei bad kane ka HITO kala ai por hapoh ka lai sngi ia ka Jio ban pynbit pynbiang ia ka Network lym kumta ka seng kan khang noh sh isyndon ia katei ka office treikam jong ka Jio ha Jowai.
Mynta ka sngi ki nongialam ka HITO Jaintia Hills, kila buh ruh iaka dorkhas ha khmat u Manager Jio bad na ka liang utei u Manger ula kular ban pynbha ne leh noh ia kane ka jingdawa ba donkam hapoh kine ki lai sngi kumba la dawa da ka seng.
Haka jingiakren u President jong ka seng u samla War, ula ong ba ka jingiakynduh bad ki nongpyniaid katei ka office jong ka Jio ha Jowai, kadei hadien baki paidbah kila leit ban ujor na ka por sha ka por sha katei ka office hynrei na ka liang katei ka ophis kam shym la lah ban pynbiang iaki Network, dei halor katei ka nongim ka seng kala leit hi ban iakynduh markhmat iaki nongpeit nongpyniaid jong katei ka office. Ula ong shuh shuh ba kan myntoi aiu ia katei ka office kan don lada kam lah ban pynbiang ia Network ia ki nongshong shnong, ula kynthoh ruh ba iaki Voucher ki pynkiew dor na ka por sha ka por, hynrei kim lah pat ban ai ka jingshakri ba bha sha ki paidbah.