Ka Seng FKJGP-Khliehriat Circle hapoh ka jingialam u bah Michal Chyrmang President ka Seng mynta ka sngi kala iakynduh ia u ma H.Iacais uba dei u Executive Engineer ka MePDCL Mowakhu East Jaintia Hills Khliehriat haba iadei ka jingsniew uwei u Transformers hapoh ka Shnong Khliehriat West ha ka dong Lumsiatthong la kumba artaiew tam mynta.
Ha ka jingiakynduh ka Seng ia utei u sahep, na ka liang utei u sahep ula ong ba ula dep pyntip sha kiba halor bad ka jingtip jong u hi haduh mynta ka office kam don ia ki Transformers kiba thymmai bad utei u sahep ula ong ba kat haduh mynta la don haduh 30 tam ki Transformers kiba sniew hapoh East Jaintia.
Na ka liang ka Seng ka pynpaw ka jingsngewdiaw ba kat ka Khliehriat kaba dei ka Head Quarter jong ka District East Jaintia kat haduh artaiew ba sniew u Transformers hynrei haduh mynta ki paidbah ka Thain Khliehriat ki dang hap shong hapoh ka jingdum. Ka Seng ka pynrem jur ruh bad kat ka MeECL kam don ia ki Transformers ha ka jingshisha ka MeECL kadei ban buh lypa shwa ia ki Transformers kiba thymmai khnang ba lada don u ba sniew kin ioh pyndait kloi.
Ka Seng ka kwah ruh ban buh jingkylli iaka tnad MeECL “Sha ei jah ka pisa ba ka office ka ioh lum manla u Bnai na ki nong pyndonkam bording? Hato kam dei mo ban ioh thied iaki Transformers haba ki sniew ne ka don ei ei sha lyndet?”.
Khadduh ka Seng ka dawa na ka MePDCL ba ka dei ban pynioh kloi ia u Transformer ha Khliehriat West hapoh ar taiew bad ka seng ka dawa ruh badei ban buh da uba kham heh Watts khnang ba ka bording kan long kum kiwei ki jaka namar ba ha ki por mynshwa ka bording hapoh katei ka dong Khliehriat West ka rit shaba palat haba ianujor dang kham shai ka mombati ban iaka light bad ka seng ka kyrpad ia ka MePDCL bad ia u MLA ka thaiñ u ma Kyrmen Shylla ban shimkhia ia katei ka kam.