Ka klob Shillong Lajong kaba mihkhmat ia ka jylla sha ka lympung Durand Cup ka ban sdang naduh ka 27 tarik mynta u bnai bad ka ban kut ha ka 31 Nailar 2024 ka la shah jied ban don ha ka group-E kiba kynthup ia ka Tribhuvan Army FC, FC Goa bad Hyderabad FC.
Ka Lajong kan sdang ia ka jingïakhun ha ka 2 tarik Nailar pyrshah ia ka Tribhuvan FC. Ka jingïoh mynsiem na ka bynta ka Lajong mynta ka samoi ka long ba ki lah ioh ban ïalehkai ha la ïing (Home) kata ha madan Jawaharlal Nehru stadium Polo, Shillong. Ka jingïakhun ba bud kan long pyrshah ia ka Hyderabad FC ha ka 10 tarik Nailar bad ka jingïakhun pyrshah ia ka FC Goa kan long ha ka 17 tarik jong u juh u bnai.
Mynta ka aïom, haduh 24 tylli ki kynhun ki ban iakhun na ka bynta kane ka lympung kaba la rim tam ha India, kynthup ia baroh ki klob kiba don ha Indian Super League (ISL), I-league, ki kynhun na ka State League, Indian Armed Forces bad 2 tylli ki kynhun na shabar jylla kiba don ha ka thup Armed Forces.