Ka klob Shillong Lajong kaba dei ruh ka klob kaba la ioh bha ia ka jingithuh ha ka Jylla lyngba ka jinglah jong ka ban ialehkai bha ha ka lympung I-League bad khamtam ha ka lympung Durand Cup kaba dang shu kut shen, ka la shah kynthup ha ka Group E na ka bynta ka aiom ialehkai jong u snem 2024.
Ki kynhun kiba la shah kynthup lang bad ka klob Shillong Lajong ki long ka 7 Wasa United, ka Seinbhalang Shkentalang bad ka Mawtari Myrdon SC.
Ka Lajong kan sdang ia ka jingiaid lynti mynta ka samoi da ka jingiakhun pyrshah ia ka 7 Wasa United ha ka 26 tarik mynta u bnai ha madan Wahiajer Multi Sports Complex. Ia ki madan ialehkai na ka bynta ka jingiakhun Semi bad Final na ka liang ka Meghalaya Football Association (MFA) kan sa pyntip kham hadien.
Ia kane ka lympung kaba heh tam ha ka jylla la ioh ia ka jingkyrshan bad ka jingiatreilang na ka Sorkar Meghalaya bad ka tnat Directorate of Sports and Youth Affairs.