Ka Jaiñtia Students’ Movement (JSM) Western Region mynta ka sngi kala leit ban dawa na u Deputy Commissioner West Jaiñtia Hill District bad kumjuh na u CEM ka Jaiñtia Autonomous District Council (JHADC) ban weng noh mardor hapoh ka 10/07/2023 ïa ka Tax Gate jong ka Assam kaba lah buh naduh 15 tarik u April hapoh Shnong Khanduli West Jaiñtia Hills.
Na ka laing ka JSM ka la ïoh ban ïakren ruh bad u DC ka West Jaiñtia Hills District ha ryngkat ka jingaiti ïa ka jingthoh, ha kaba u DC u la kular ban weng ïa kane ka Tax Gate kaba don hapoh u pud u sam jong ka Meghalaya, katba sha u CEM ka JHADC ka seng ka la ïoh ban phah tang ka jingthoh.
Halor kane ka Seng kala kren shai lada kim lah ban weng hapoh ka 10/07/2023, kum ka seng kan sa sdang noh ban ïakhih pyrshah ïaka sorkar, namar la ar bnai tam kynthih kim shim la lah ban weng ïa kane ka Tax Gate jong ka sorkar Assam bad ka jingdon kane ka Tax Gate ka Assam kan sa kam trai ïaka Shnong Khanduli naka daw ka jingtlot jong ka sorkar jylla, la pynkut ka kyrwoh na u samla N. Ribok Biam President ka JSM Western Region.