Ka Jaintia Student’s Union (JSU) Seng Kmie, ka la phah ia ka jingthoh sha ka tnad District Selection Committee jong ka West Jaintia Hills ba ka dei ban pynlong noh ia ka Examination na ka bynta ki post bapher bapher kiba la dep ban advertise hapoh kane ka shibnai.
Ka JSU dang shen ka la dep ban ia kynduh ia u Deputy Commissioner ka West Jaintia Hills District ban pynsngew halor ka jingsahteng ka jingkhot pynlong exam na ka bynta ki 92 tylli ki post kiba la dep ban advertise naduh ka 19 tarik November 2021, kiba dang sahkut haduh mynta.
Ha katei ka jingiakynduh bad u DC na ka liang ka JSU kala maham jur ba la kumno kumno ka DSC ka dei ban khot pynlong ia ka Examination na ka bynta kitei ki post hapoh shibnai. Lada kane ka tnad kam lah ban leh kumta na ka liang ka Seng kam banse ban pynlong da ki lad jingiakhih namar ka jingpynslem jong katei ka tnad ban khot ia ka Examin ia ki samla wad kam wad jam.
Ka JSU ka kyntu jur ia u Deputy Commissioner ban ai ka jingpynbna paidbah (Advertise) ia baroh ki post kiba long thylli ha baroh ki ophis sorkar. Ka Seng ka ong ba ka jinglah ban thungkam biang por ym tang ka wanrah ia ka jingiohkam iohjam jong ki samla hynrei ka wanrah ruh ia ka jingroi jingpar ha baroh ki liang hapoh ka West Jaintia Hills District.