Ka Seng FKJGP War Jaintia Circle ha ka 7 tarik mynta u bnai hapoh ka jingialam President u Bah Shlur Mukhim, Asst. Secy. KM Khonglah, Nabait Ymbon President FKJGP West Jaintia Hills District bad u Wompher Wann Organising Secy; hadien ka jingialang paidbah myn ha ka sngi Saitjain ha Padubah ki la leit iakynduh ia u Deputy Commisioner ka West Jaintia Hills District, Jowai u Bah Garod L.N.S.Dykes ha kamra treikam jong u ban iarap ban pynsngew ha u ia ka jingduh bording ka shnong Padubah la jan dap 2 bnai pura eiei.
Haba iakren bad u DC u la kular ban shimkhia mardor ia kane ka kam hapoh kine ki khyndiat sngi ban wan namar ka la ktah haduh katta katta ia ki paidbah, shuh shuh u la kular ba un thoh sha ka MeECL ban pynioh bording mardor ia kane ka shnong.
Ka Seng ha ka jingiakren ka la byrngem ban shim da kiwei pat ki lad ki lynti lada kane ka kam kam urlong hapoh 1 taiew.
Ha kajuh ka sngi ka seng ka la leit ai kopi ruh sha u Executive Engineer MePDCL Jowai Distribution Division u Ma M.Rymbai ha kaba ma u ula kular ba shimkhia ban leh ia kaba donkam ban pynioh Transformer, shuh shuh u la ong ba un iarap kloi bad kren ia kane ka kam tang shu leit Shillong hapoh kine ki khyndiat sngi.
Ha ka juh ka sngi ka seng ka la leit ia kynduh ruh ia u S.E J.H.D.C u Ma Patlong ha kamra treikam jong u.
