Ka Hynniewtrep Integrated Territorial Organisation (HITO) Jaintia Hills hapoh ka jingialam u President u bah Burom Dkhar bad ki wei kiwei ki Nongialam ka Jaintia mynta ka sngi ka 7 Tarik kylla lyngkot 2026 kala leit ban jurip sa ia kawei ka Check point ka Jaintia Hills Autonomous District Council kaba don haka Shnong Sonapyrdi East Jaintia Hills ka Khyrdop ban talasi iaki trading licence jong ki kali bad Jylla kiba wan ban kit mar bad pynhap mar hapoh u pud u sam ka Jaintia Hills.
Ha kane ka jingjurip la lap ba kane ka Khyrdop kala pynkheiñ iaka kyndon kaba la buh daka office jong ka Secretary ka Executive Committee ka JHADC ha kaba la kdew ba iaki kali kiba shu iaid lynba ka Jaintia Hills kim dei ban talasi ia ki trading licence bad kim don kam ban pyni iaki trading licence haka tei ka Khyrdop hynrei kitei ki nong trei jong katei ka Khyrdop kala bat beaiñ bad shim Pisa ia baroh ki kali kiba iaid lyngba kane ka Khyrdop ha NH-6 bad naka liang ka seng kala ong ba kan sa ujor sha ka JHADC ban pyndam noh iakatei ka soskular bad u nongshim wai jong katei ka Khyrdop bad lada ka JHADC kam leh ei ei ka seng kan ujor sha ka ïing bishar daka PIL.
Shuh shuh ka seng kala pan jingshai naka JHADC hato haba la aiti iaki Khyrdop sha ki riew shimet, ki nongshim wai jong ki Khyrdop ki lah mo ban pynkheiñ iaki kyndon bala buh haka soskular bala iasoi.
