Ka Khasi Student Union (KSU), West Jaintia Hills District Unit bad ka KSU War Jaintia Circle, ha kane ka 12 tarik, ki la hiar sha Muktapur Police Petrol Post, na ka bynta ban leit buddien ha kaba iadei ka jingshah shoh pynmynsaw ki paradoh parasnam ha ka shnong Hawai Sutnga ha ki bar jylla kiba shong ba sah hapoh shnong Lakroh.
Haka jingleit ia kynduh ia u Incharge jong kane ka PP, la ioh iaka jingpynshai ba la dep ban register ia ka case ia baroh kiba donkti ha katei ka kam bad mynta ka dang iaid ka jingtohkit shaphrang bad ynda ki lah dep ban leh ia baroh ki kam, ki pulit kin sa leh ia kaba donkam. Na ka liang ki nongialam ka KSU, ki la kyntu ia u Incharge bad ia ki bor District ban pynsted bad ban kem noh mardor ia kiba donkti lym kumta naka liang ka seng kan iaid hi dala ka jong ka aiñ naka bynta ka jingshngaiñ jong ki paradoh parasnam.
Ka seng ka la maham ia kitei ki bar jylla ba nangne sha khmat lada ki dang iai bteng ban pyntriem iaki paradoh parasnam naka liang ka seng kam iaid shuh daka lynti jong ka aiñ hynrei kan leh ia kaba donkam.
Ha kane ka jingleit hiar sha Muktapur, la ialam da u President jongka KSU West Jaintia Hills District u Laitphar Syngkrem bad Organising Secretary ka KSU War Jaintia Circle u Block Tariang lem bad ki dkhot jong ki.
