Ka seng Hynniewtrep Integrated Territorial Organization (HITO) Sengkmie mynta ka sngi ka 25 tarik Rymphang 2022 hapoh ka jingialam u President rangbah u samla Donbok Dkhar, Secretary Wanbun N Dkhar, Pynbiang Rymbai bad kiwei kiwei kila hiar sha Khliehrait ban pynskhem ia ki dkhot ba pura jong ka HITO East Jaiñtia Hills.
Ia ka jingialang la pyniaid da u samla W.N Dkhar ha kaba la ioh ia ka jingkren na u Overfive Bian President ka Sahsniang Area bad ia ioh ia ka jingsneng jingkyntu na u samla Pynbiang Rymbai bad ia ka jingiateh kular ne jingpynsmai la pyndep da u President rangbah u samla Donbok Dkhar. Haba ai jingkren u la ai mynsiem ia ki dkhot da ki kyntien ki ba ong “Katba u star kit u danglah ban tynrong ki jingkit ba khia jong phi katno eh ka jingkit batlot jong ngi un dkut noh, kata kam lah ban long ba phin thait noh”.
Ki nongkitkam jong ka HITO East Jaintia Hills na ka bynta ka samoi 2022-2024 ki long : President Deibormi Rymbai, Vice President Archi Siangchai, General Secretary Sokini Dkhar, Assistant Secretary Buromlang Dkhar, Finance secretary Rioki Dkhar, bad la thung ruh 29 ngut ki dkhot.