Ka tnat ka koit ka khiah jong ka sorkar jylla mynta ka sngi kala pyntip ba haduh mynta ki sah sa tang 4 ngut kiba dang don ia ka jingpang Covid-19 ne kiba dang long Positive.
Katkum ka khubor soarkar la iathuh ba mynta ka sngi ym don satia kiba ngat thymmai ne khlad ha u khniang jingpang COVID-19 (positive) ha ka jylla, bad la don iwei iba koit noh na ka jingpang kaba la pynhiar ia ka jingdon jong ki nongpang sha ka 4 ngut.
Haba lum jingkheiñ ia baroh kiba la ngat ha kane ka jingpang ki don 93,786, kiba la koit ki don 92,189 ngut bad kiba khlad baroh naduh ba sdang haduh mynta ki neh hi 1593 ngut.