[Baroh ki nongshong shnong ka LNP (Block-I) ki kwah ban poi shapoh Meghalaya]
Ha ka jingwan jong u Dr. W.R. Kharlukhi, MP ka Rajya Sabha, mynta ka sngi ha shnong Barato, ula iohi bad ioh ban ia kynduh ia ki hajar ngut ki paidbah kiba dei ki nongshong shnong jong ka Labang Nongphyllut Pangam Raliang kiba don hapoh ka Block-I.
Ha kane ka sngi la pynlong ia ka jingialang paidbah kaba heh bha ha Madan Myngkoi u Bon ha shnong Barato, West Jaintia Hills.
Ha kane ka jingialang la ioh ia ka jingkren kyntu kynpham ia ki paidbah da u ma Gilbert Sten, ma Philip Tangliang, kong Phidalia Toi kaba dei ka Chairperson State Women Commission, bah Aloysius Binan, Prof. Dr. H. Lamin bad ruh na u Dr. W.R. Kharlukhi MP, Rajya Sabha.
Ha kane ka jingialang u ma Bahun Dkhar MDC, JHADC, ma Robinus Syngkon MDC, ma Dawan Lyngdon MDC bad u bah Bajop Pyngrope MDC KHADC.
La iadon lang ki riew rangbah ma L.D. Lakiang, ma M.M. Thaiang, nalor ki Pastor bad ki nongialam Sengbhalang.
Da kawei ka sur kala sawa ha kane ka jingialang bah ba ki nongshong shnong jong kane ka thaiñ ki kwah ban don noh hapoh ka jingpeit jingkhmih jong ka sorkar Meghalaya.
