Ka KSU Wapung Unit haka 22.09.22 ka la dep leit ia kynduh ia E.E PWD (Roads) NEC Division Khliehriat, EJHD hapoh ka jingialam jong u bah Deiniwan Lyngdoh u ba dei u President jong ka KSU Wapung Unit lem bad ki dkhot.
Ha katei ka jingleit ia kynduh jong ki ia u E.E ki nongialam jong ka Wapung Unit ki la ia kren ia u E.E halor ki jingeh ba ki paidbah ki ia kynduh halor ka jingsniew u Surok bypass Lad Rymbai ia u ba la tip kyrteng kum u Surok Moowakhu via Jalyia to Wapung.
Shuh shuh ha katei ka jingleit ia kynduh ia u E.E ka seng ka la ai ruh ia ka dorkhas kaba ki la dawa ban maramot kloi ia u ne u Surok ba baroh shi katta ki paidbah ki la mad jingeh ban iaid kali lyngba u ne u surok uba la sniewpalat.
Kane ka dei ka kyrwoh na u Publicity Secretary KSU Wapung Unit u samla Shibaitlang Rymbai.