Ka JNC Western Zone hadien ka jingud jing nam jong ki nong shong shnong jong ka shnong Madan Pohkseh, West Jaiñtia Hills District, iaka jingeh jongki halor ka jingbymdon bording elektrik haka shnong la katto katne tylli ki snem bad mynnin ka 29 / 5 / 2025 ka seng hapoh ka jingialam u President ka Western Zone u Hamehi Bamon ryngkat ka jingiasynran lang ki dkhot ka seng ki la leit mih sha ka office MePDCL Jowai Distribution Sub division, West Jaintia Hills District, ha kaba ka seng ka la ioh ban ia kynduh bad u sahep L.Syngkon, Executive Engineer da ka ba ai ruh ryngkat bad ka jingthoh ban dawa pynioh bording noh ia ka shnong Madan pohkseh.
Ka Shnong Madan Pohkseh kadei ka Shnong kba hap hapoh ka Laskeiñ Block bad ka long ruh ka Shnong kaba lah rim bha bad ha kane ka juk kaba mynta ban shong khlem bording kan long ka jingduhnong kaba khraw ha ki liang baroh khamtam haka pule dangle ki khynnah skul.
Naka ka liang u sahep L.Syngkon, Executive Engineer haka jingiakren bad ka seng u la kular ban pynioh bording ia kane ka shnong bad yn sa pyndap ne thep kyrteng ia kane ka shnong haka skhim RDSS on electrified households ne ka Shnong kaba don bording ha baroh ki ïing.
U la ong ruh ba tang katto katne bnai yn sa lah ban khot iaka tender bad u la pyn tikna ruh ba hapoh une hi u snem yn sa pynioh bording iaki lyngba kane ka scheme.
Naka liang ka JNC Western Zone, ka la pynpaw iaka jingsngewnguh iaka department khamtam ia u EE u ma L.Syngkon ba u la ai jingkyrmen iaki nong shong shnong.
Ka seng ka kyrmen skhem ba kane ka jingdawa ban pynioh bording elektrik ia kane ka shnong kan long shisha kumba u EE u la kular ban leh ia kaba donkam tam naka bynta ka jingkyrkhu bad ka jingbha jingmiat iaki nongshong shnong jong ka Madan Pohkseh, West Jaiñtia Hills District.