Ka JSU seng kmie mynta ka sngi ka la ioh ban iakynduh markhmat bad u Myntri Rangbah ka jylla ha Jowai ban buddien ia ki jingdawa kaba dang shu dep jia ha ka shnong Mukroh ha ki sngi ba lah dep. Na ka liang ka seng ka la dawa na ka sorkar halor ki san tylli ki mat jingdawa jong ka.
Ki mat kiba ka JSU kala ioh ban pynsngew ha u Myyntri Rangbah ka long:
1) Ka seng ka dawa na ka sorkar jylla ba kam dei ban buh BOP sha poh shnong poh thaw hynrei dei ban buh ha ka Zero line ha khap pud.
2) Ka seng ka dawa na ka sorkar ban leh daka joint inspection lane ban kynthup lang bad ka JHADC bad ki nongialam nongshong ka shnong Mukroh ban wad thuh bha ia u pud u sam ban ioh buh iaka BOP ha Zero line na bynta ka jingiada ba paka ia u nongshong shnong bad ban lait na jingshah knieh jaka bad shah pyndik ha u Assam.
3) Dawa ruh ban pynkup bor iaki pulit ka jylla kiba shong pahara sha ki khapud ban pynphai kylla lada don kano kano ka jingsiat na ki pulit Assam kum shi bynta ban iada ia u paitbah ka thaiñ ka shnong khap pud.
4) Dawa ban pynphai ia ki 36 tylli ki shnong Khasi Jaintia na Block 1 sha Meghalaya.
5) Ka seng ka pyrshah jur iaka jingthmu bad ka jingkren pynshit u CEM ka Karbi Anglong Autonomous Coucil badka jingthmu jong ki Karbi ban buh mot sah jingkynmaw ha u pud u sam ka shnong Mukroh ia u pulit forest ka Assam u ba kyllon iap ha Mukroh na kaba ia siat para maki.Ka seng dawa na ka sorkar jylla ba kam dei ban ai lad iaka jingthm u CEM ka KAAC da lei lei namar kane kan sa wanrah iaka jingum snam lane ka jingsngew iapher hapdeng ki jaitbynriew Hynñiewtrep bad ki Karbi .
Ha kane ka sngi na ka liang u CM u lah kular ban leh ia ka joint inspection bad ithuh ia u pud u sam ka shnong Mukroh bad ban ym ailad ban shna ia u statue jong u pulit Forest guard ha Mukroh .