La weng ia ka khyrdop lum khajna ka KAAC ha Khanduli pyntip u ma Sniawbhalang
Ka Regional Committee jong ka West Jaintia kaba lam khmat da u ma Sniawbhalang Dhar kum u Chairman halor ka jingjurip ïa ka jingpynbeit ïa u pud hapdeng ki ar jylla Meghalaya bad Assam jong ka 2-Phase mynta ka sngi kila sdang ïa jingshong jingïalang (Committee) ha ophis U Deputy Commissioner ka West Jaiñtia Hills District.
Ha kane ka jingïalang la ïadonlang u Vice- Chairman ma Comingone Ymbon MLA, ki dkhot kiba kynthup ia u CEM ka JHADC ma Thombor Shiwat, u MDC Barato ma Aiborlang Shadap u DC bah B.S. Sohliya bad ki ophisar nalor kiwei de.
Na ka liang u ma Sniawbha hadien ka jingïalang haba kren sha ki lad pathai khubor ula ong katkum ka Notification ba thymmai jong ka sorkar hashwa ban ai ïa ka report sa ka sorkar jylla dei ban jurip ïa kane ka kam khnang ban ka jingpynbeit pud ha ka sien kaba 2 kan long kaba jop.
Ha kaba ïadei bad ka kam pynbeit ïa u pud u sam lyngba ka Phase-2, hadpeng ka Meghalaya bad Assam u Chairman jong ka Regional Committee u ma Sniawbhalang Dhar ula ong na ka liang ka Committee kan pyrshang ban leh katba lah ban pynbiang ïa ki jingdonkam lyngba ka jingtreilang bad ki bor District.
Ha kaba ïadei bad kino kino ki kam pynroi kiba wan hapoh kitei ki jaka khappud hapdeng ki ar jylla ula ong lada don kino kino ki kam pynroi ki lah ban ïaid shakhmat namar ïa kane la dep ban rai naduh ki por mynshwa.
Ula ïathuh ruh ha kaba ïadei bad ka Check Gate ne ka khyrdop lum khajna kaba la wan sieh da ka Karbi Anglong Autonomous Council (KAAC) ha Khanduli ula pyntip ba ïa kane la dep ban weng noh.