Ki ar ngut ki heh na ka tnat khlaw u A.K. Verma, IFS, ba la shongthait uba ju bat kum u PCCF jong ka Karnataka bad u Dvendra Pandey, IFS ba la shongthait uba dei u PCCF ba rim ka Arunachal Pradesh hynnin ka sngi (26/6/24) ki la wan ban ia kynduh ia u Lat ka jylla u Phagu Chauhan, ha ka jaka treikam jong u ha Raj Bhavan, Shillong.
Ha kane ka sngi la iadon lang ruh u Principal Secretary to the Governor u Harish Chandra Chaudhary, IFS.
Ha ka jingialang kila ioh ban ia kren ia shibun ki mat kiba iadei bad ka jingpynneh pynsah ia ki khlaw ki btab hapoh ka ri lyngba ki jylla bapher bapher. Na ka liang jong u Lat ula iaroh ruh ia kine ki heh ka tnat khlaw kiba la don bynta ha ka prokram pynneh pynsah ia ki khlaw ne ka ‘Forest Certification and Carbon Credit Mechanism’.
Ha kane ka juh ka sngi na ka liang jong u Director Personnel jong ka North Eastern Electric Power Corporation (NEEPCO) u Maj. Gen. Rakesh Kumar Jha, AVSM, ba la shongthait na ka kam shipai, ruh u la wan ban ia kynduh ia u Lat ka jylla.
Na ka liang jong u Phagu ula ai ka jingiaroh ia ka NEEPCO kaba la mang ban pyntrei ia ki projek pynmih bor ding kiba bun jong ka hapoh ka jylla Meghalaya.
