U MDC jong ka 10 – Mynsngat Khanduli Constituency bah Dawan Lyngdoh mynta ka sngi (3/11/2021) u la leit ban ia kynduh ia u Rupsing Teron MLA jong ka 20th Baithalangso Karbi Anglong, Assam ha Hamren West karbi Anglong.
Ka jingthmu jong kane ka jingleit ia kynduh jong u ma Dawan Lyngdoh ia utei u MLA ka long na ka bynta ban iakren halor ka jingpynneh ia ka jingshong suk shongsain ha ki thain Border jong ka Block – I. Ka jingthrang ban pynneh ia ka ka jingsuk ka long ruh kum shi bynta ka jingap khim ia ka jingia pynbeit pud ha pdeng ki ar tylli ki sorkar jylla (Meghalaya & Assam).
Na ka liang kine ki arngut ki nongmihkhmat paidbah ki la rai ban ia trei lang ryngkat na ka bynta ban teh lakam ia ki jingiakulmar ha kine ki jaka ba ju mih ki jingia kynad man ka por kum ha shnong Khanduli, Lapangap bad kiwei ki jaka.