Ka myntri ba dei peit ïa ka koit ka khiah, ka rep ka riang bad kiwei de ka Dr. Mazel Ampareen Lyngdoh mynta ka sngi Palei kala wan hiar sha Jowai ban ïakynduh ïa ki ophisar sorkar naduh ka tnad Health, Agriculture & Horticulture, ka tnad Research jong ki ar tylli ki Districts kata ka West bad East Jaiñtia Hills ha ka jingïalang (Zonal meeting) bala pynlong ha Conference Room ka ophis Soil & Water Conservation, Mihmyntdu.
Ha kane ka jingïalang ka myntri ka Dr. Ampareen kala ïoh lad ban ïa phylliew jingmut nyngkong shaphang ka rukom pyntrei kam ïa ki skim bad ban pynbha pynmiat ïa ka rukom treikam ha ka liang ka koit ka khiah bad kiwei de ki project jong kane ka tnad kiba dei ba pyntreikam hapoh ka Districts.
Na ka liang katei ka myntri ka Dr. Ampareen kala ïoh lad ban ïa kynduh lang naduh ki MLAs, ki Medical officers ban ïakren sani halor ka kumno ban pynbha iï ka koit ka khiah hapoh kine ki ar tylli ki District. Ha ka juh ka por kala ïoh lad ban ïa phylliew jingmut halor ka jingeh jong ki nongtrei ASHAs hapoh ka District.
Hadien kane ka Dr Ampreen Lyngdoh kala pynlong jingïalang sa bad ki ophisar jong ka tnad Agriculture, Horticulture bad Research officer, District & Local Research Station and Laboratory jong ki ar District. Ha kaba na ka liang kitei ki ophisar kiba pyni ruh halor ka rukom pynteikam ïa ki skim bapher bapher khamtam ha ka liang ka rep ka riang bad ki jingmyntoi ba mih na kine ki tnad sorkar.
Ki MLA jong ka Jaiñtia kiba donlang ha kane ka jingïalang ki kynthup naduh u ma Wailadmiki Shylla na Jowai, ma Nujorki Sungoh na Mowkaiaw, ma Lahkmen Rymbui na Amlarem bad ka kong Santa Mary Shylla na ka Sutnga-Saipung.
Ha kane ka sngi na ka liang ka kong Isawanda Laloo, IAS, Secretary jong ka sorkar jylla ba dei peit ïa ka tnad Agriculture and Farmerd’ Welfare, West & East Jaiñtia Hills, u Deputy Commissioners ka WJHD bah B. S Sohliya, IAS, u DC EJHD Abhilash Baranwal, IAS, bad u Superintendent of Police ka WJH ma Chemphang Syrti kila don lang ha kane ka sngi.
