Ka HYC Sengkmie hapoh ka jingialam u Bah Secretary Isaac Basaiawmoit ha ka jingsynran lang u Vice President Bah Donboklang Kharlyngdoh ka la bteng ban khynra ia ki nongdih drok ha ki jaka paitbah kaba kynthup naduh Motphran, ïew Mawlong, haduh Stand Bhoi.
Ha katei ka jingkhynra la ioh bat kumba 20 ngut ki samla kiba dei ki samla Khasi bad kumjuh ruh ki bar jylla. Ha kane ka kynti, la ioh ban kem lang bad nongdih bad nongdie ha ryngkat 15 tylli ki CC (tyndong thep drok), ka kiad ka beer u kynja, ka tari bad ka pisa. Hadien ba la dep kurup la thang syndon ia kitei ki drok ha khmat jong ki hi.
Kane ka jingkhynra kaba kaba la neh kumba 8 kynta shiteng hadien ba la kem, la phah wan lang ia kiba ha īing jong kitei ki khynnah, ha kaba na kitei ki 20 ngut, 3 ngut ki khynnah la ialam syndon da ka jingmynjur jong ki kmie ki kpa ia ki khun jong ki sha Rehabilitation Centre kaba don ha Assam.
“Wat hapdeng ka jingiai khot hajir jong ki bor jong ka aiñ ia ki nongialam ba hakhmat ki ishu lum survey ki ishu drok, ka seng kan nym riej nym tieng kan iai bteng ban iai khynra drok namar ka seng ka tip shai ba lada duna ki nongdih bad nongdie drok ki kam sniew ruh ki duna hangne hapoh ka ka jylla” ong u Bah Isaac.
