(Da u Wallambok Shill)
Wat lada ka tnat ba dei peit ia ka tnat khlaw ki la wan peit wan khmih ha u bnai Nailar ia ki kharkhana ot dieng hynrei mynta kila sdang biang ban mih lakum ki Kber, kyrmen ba ka ophis ba don burom jong u DFO (T) kan leh tyngeh ia kine ki kharkhana ot dieng hadien ba da lade nga la dep summit jingthoh ryngkat ki dur bad GPS, lada ka ophis kam leh ia kine ki kam be-aiñ ba paw pyllein pyllein ka pyni ba ki ia don bynta lang ban pynjot ia ka mei mariang bad ki don ruh ban pynsniew ia ka jingim jong ki mrad ki mreng ki sim ki doh um doh wah bad khamtam ia ka jingim jong ngi ki briew namar kumba long mynta ka jinglong ka suiñ bneng kala pher bha u slap ruh um wan shuh ha ki por ba biang ka jingshit ka sngi ruh kala pher bha, wat tang ia ka um ban bam ban dih ban thung ban tep ruh kan poi ka por ba ngim ioh shuh te dei hangta iano ngin kynnoh.
Kumta nga kum u samla ba ieit mariang nga kyrpad jur ia ka ophis badei peit ia kine ki kharkhana ot dieng be-aiñ ka dei ban leh eiei iaki haka por ba biang. Shuh shuh haba phai ia kiba khlong shyiap khlong maw na ki lum ki wah nga dap da ka jingsngew khia ba ha ka 1 tarik mynta u bnai Nailar ngi la ia wan inspection ryngkat bad u ophis ha kawei ka jaka kaba la ima ka rukom ot ia u shyiap lum la pyndon kam da ki puhshilum chain (JCB) hynrei kaba sngew thamula ka long ba u sahep ba ia leit lang u ong kato kam dei ba long be-aiñ hynrei haba nga ia syllok pat bad u ophisar bala shongthait naka kam bajuh bat ruh iaka kyrdan “Principal Chief Conservator of Forest” nga pyni ki dur ki video ula ong kato kala long criminal shaba palat hynrei katba u sahep ba ia leit ha kato ka sngi u ong kam dei.
Kaba sngew lyngngoh bad pynsuba sniew ia nga ba imat u don bynta lang namar ba mar ia poi ha kato ka jaka u da phone shwa ia uto u trai bad ula kren tohmet artad ia nga shaba palat to kampher ia kata ka jingsngew shimet jong u tangba ha ka jingshisha u dei ban shim khia ne pynshitom ia ki bym iaid kat kum ka aiñ mariang kum ka section 24C jong ka Mines & Minerals Development and Regulation Act (MMDR Act) 1957 bad ruh kat kum ka Meghalaya Mines (Prevention of Illegal Mining, Transportation and Storage) Rule 2022.
Don ruh ka jaka bala ap jingma ia ki paitbah nong leit nongwan namar latih sawdong iaka jaka bala pynieng ia uwei u Transformer ba beh pyrshah bad ka petrol pum Thadmuthlong lada jia ba u khyllem latikna kan don ka jing shong dum ia ki shnong bala ioh jingshai na une u tranformer kaba ap jingma shuh shuh ka long ba ioh ba un khyllem haka por ba iaid ba ieng ki kali kan jia ka jingiap briew lada poi u pud haduh katta u to u sahep ba ong kamdon jing ma u hap ban shim iaka jingbah khlieh namar ki jingleh mynthi jong u bad sait khuid jong u wat ia ki kam ba paw pen ryngkew ruh u kynnoh man ia nga daki kyntien ba pynmong ba nga shun iaka jakpoh jong ki, hynrei nga kwah ban ong ma ki pat ki shun iano hato kam dei ba ki shun ia ki pateng ban wan khlem da pyrkhat ia ka lawei jong ka mariang bad ia u khun bynriew.
Nga kwah shuh shuh ban buh jingkylli ia u to ba ong ia nga ba kato ka rukom ot lum da ki JCB chain bad sait lane tan ia u shyiap da ki kor (Water pumps) kam dei kaba long beaiñ hynrei nga kwah ban ong hato ka aiñ ba la dep shna ha jylla jong ngi ka ia pher seh bad ki aiñ ha Jaiñtia Hills ha ba sha kiwei ki District kum ha Eastern West Khasi Hills lei ladep pynmih order da ka Section 144 CrPC ban ym shah ban tih shyiap lum (quarrying hills sand) lane tan shyiap da ki kor bad sait shyiap da ki kor (water pumps) katba hangne District jong ngi kam pher ka biang beit, kumta sa shisien kyrpad ia u sahep badon burom daka jingsngew khia sngewbha pynshai kiei ki aiñ ha District jong ngi ba kato ka rukom ot ka rukom khlong kan long be-aiñ, pynkut u samla Wallambok ia ki kyntien.
