Ka jingjied ia u ne ka President ka ri India kadei ka jingthep vote kaba hakhlieh duh hapoh ka ri kaba dei katkum ka kyndon (Article) 324 jong ka riti synshar ka ri India. Mynta ka sngi ka jingthep vote kaba la long mynta ka sngi ka la long kaba iaid beit iaid ryntih ha baroh ki bynta jong ka ri India la ka dei ba Parliament ne ha ki Legislative Assembl jong ki jylla bapher bapher.
Mynta ka sngi ka jingwan thep vote President ba 16 jong ka ri India ka poi haduh 99 % haba lum jingkhein ha baroh ka ri India. Don haduh 11 tylli ki jylla bad kawei ka Union Territory (Puducherry) ka jingthep vote ka poi haduh 100 na ka 100.
Ka jingniew ia ki vote kan long ha ka 21 tarik mynta ubnai.
Kum ban shu pynkynmaw ki don ar ngut ki kyrtong ka Droupadi Murmu ba kyrshan da ka sorkar NDA bad u Yashwant Sinha ba kyrshan da ka liang pyrshah.
