Ka Public hearing kaba la long mynta ka sngi ka 17 tarik Risaw 2024 ha Thanghunai Nongtalang kaba hap hapoh Amlarem C&RD, Block West Jaintia Hills District jong u Ma Dominic Pohrmen bad i kong Plenty R Pyngrope ka la iaid beit shakhmat khlem don kano kano ka jing pyrshah haba iadei bad ka jingpynheh jaka ban tih ia u mawshun jong u Ma Dominic Pohrmen bad i Kong Plenty Nongtalang.
Ha kane ka sngi ba pynlong ia kane ka jingialang la wan ban don ryngkat da i Additional Deputy Commissioner ka West Jaintia Hills i Kong B. Blah, ki ophisar ka tnad mariang na ka Meghalaya pollution control board u Bah S Syiem ki nongpyniaid jong ka Meghalaya pollution control board, Dolloi ka Elaka Nongtalang ha ryngkat ki paidbah nongshong shnong ka thaiñ.
Haba kren ha kane ka sngi na ka liang ki nongpan jingbit ban pynheh ia ki jaka tih mawshun kata u ma Dominic Pohrmen bad i Kong Plenty R Pyngrope ki pan jingbit ban tih ia u mawshun ki la ong ba kin bud ryntih ia ki kyndon bad ki la ong ba kane ka jingtih ia u mawshun ha ka thaiñ Nongtalang kan long ka jingmyntoi ban ai kam ia ki paidbah ka thaiñ bad kumjuh ban pyneh pynsah ia ka mei mariang da kaba thung shibun ki dieng.
Na ka liang u Dolloi ka Elaka Nongtalang u la ong ba na ka liang ka shnong kam don jingpyrshah haba iadei bad ka jingpan jingbit u ma Dominic Pohrmen bad i kong Plenty R Pyngrope ban tih ia u mawshun bad ban pynheh ia ka jaka tih mawshun namar kane ka ka long kabu na ka bynta ki paidbah ka thaiñ ban ioh kam ioh kam na kane ka kam tihmawshun bad u kyntu ban pynneh pynsah ia ka mei mariang.