Ka tnat Election jong ka West Jaiñtia Hills District kala pynlong ia ka jingsam appointment ia ki nongtrei sorkar kiba don bynta ban leit sha ka Election Duty, na ka bynta ka jingthep vote ka ban long ha kane ka 27 tarik mynta u bnai.
Ia kane ka jingsam appointment la pynlong mynta ka sngi (24/02/2023) ha District Library Auditorium, Mynthong JOWAI.
Na ka liang ki bor pyniaid ka Election hapoh ka jingpyniaid jong u Deputy Commissioner bah B.S. Sohliya, IAS kila ai ka jingkyntu bad kitbok kitrwiang ia baroh ki briew sorkar kiba don bynta ha ka ban pyndep ia kane ka kam, shwa ba kin mih ban leit sha la ki jong ki jong ki Polling Station jong ki.
Haba u Yutip u jurip ia kane, la lap kiba bun ki nongtrei sorkar kila shu hap ban ieng sah ha phyllaw ka Library, da ki bun bun kynta khlem don shuki ne ben ban shong, kane ka la pynsakhrai shi katdei eh ia ki, namar ki hap ban ap da ki bun bun kynta ban ïoh ia ki appointment jong ki. Nalor ba ki hap ban shu ieng shah thngan ialade namar ba ym don ka jingai jingbam na ka tnat Election.
