Ki khynnah skul jong ka Chankylliang Evergreen LP School, Mooshrot, West Jaiñtia Hills District mynta ka sngi ha ryngkat u Headmaster ma Sanladky Lyngdoh lem bad ki nonghikai, kila pynlong ïaka jingïaid rally ban pynsngew paidbah ïa ka jingsniew jong ka jingdih duma.
Na ka liang ki khynnah skul kila rah lang ïa ki placard bad ka jingpyrta ïa ki jingma bad ki jingsniew kiba mih na ka jingdih bad bam ïa u duma.
Hadien kane ka skul kala pynlong ruh ïa ka jingsoi kyrteng (signature campaign) bad ka jingïalang ban ban pynsngewthuh ïa ki paidbah nongshong shnong jong katei ka thaiñ ba kin kiar katba lah na ka jingpyndonkam ïa u duma, uba wanrah shibun ki jingpang jingshitom ïa ki nongpyndonkam.
