Ka lympung ïalehkai phutbol jong ki khynnah skul ka ‘District Level Inter School Subroto Mukherjee Cup Football Tournament- 2023’, bala pynïaid da ka ophis u District Sports Officer (DSO) West Jaiñtia Hills District, Jowai kaba la long ha Kiang Nangbah Stadium, Dongmihsngi Jowai.
Ha ka jingïakhun jong ka Pre Quarter kaba la ïaid shait shait sha khmat mynta ka sngi ha ka kyrdan Under-17 (Boys), ka North Liberty H/S School kala lah ban pynliem da 7-0 kol ïa ka Ialong Sec. School.
Ha ka U-17 ki kynthei ka Jowai Govt. U/P & RMSA School kala pynliem da 4-3 kol ïa ka Amwi H/S School, Thangbuli da ka jingïashut Tie-Breaker. Ka North Liberty H/S School kala pynliem da 6-0 kol ïa H.K Singh Memorial Sec. School.
Katba ha ka jingïakhun jong ki kyrdan U-14 (boys) ka North Liberty H/S School kala pynliem da ka Tie Breaker da 4-2 kol ïa ka Little Flower H/S School. Ka Ummulong, Ka Govt. Boys H/S School kala pynliem da ka Tie Breaker da 4-3 kol ïa ka Moosachram U/P School bad ka R.C Eve Sec. School kala pynliem da 6-0 kol ïa ka J.N.M Sec School, Lamin.
Lashai ka sngi 28 tarik kan don ka jingïakhun Pre Quarter san tylli ha ka kyrdan U-14 ki shynrang bad kawei ka U-17 jong ki khynnah shynrang.
