Ka Election Commission jong ka Ri India, ka la ai hukum ban pynbiang ia ka Draft Photo Electoral Roll jong ki Assembly Constituency ha ka District katkum ka 01.01.2024. Halor kane, kito ki Nongshong Shnong kiba la dap 18 snem ka rta katkum katei ka tarik, ki bym pat don kyrteng ha ka draft Electoral Roll ki lah ban pynrung kyrteng ialade ha ka Polling Station ba ki shong ki sah, kumjuh ruh ban ot ne weng kyrteng ia kito ki ba la iap ne phet shnong noh bad ia ki jingbakla ruh yn pynbeit ha kane ka por.
Ha ka jingiadei bad kane, ia ka Draft Photo Electoral Roll la pynmih ha ka 27.10.2023 ha ka ophis jong u District Election Officer, ki Electoral Registration Officer bad lyngba ki Booth Level Officers ha ki Polling Station. Ia ki jingtyrwa bad jingdawa ne jingujor kyrteng yn pdiang naduh ka 27.10.2023 haduh ka 09.12.2023.
Ha kaba iadei bad kane ka kam la kyrpad jur ia ki Market Committee ban sngewbha ban ia snoh kti bad ka ophis da kaba don ryngkat bad ki briew jong ka ophis ki ban wan pynlong ia ka awerness programme
kum shi bynta jong ka SVEEP programme na ka bynta ki jingpynrung kyrteng bad ruh ban pynshai ia ki
kam kiba iadei bad ka General Election to Lok Sabha (MP) ka ban sa long ha u snem 2024.