Ka jingïalehkai phutbol mynta ka sngi ba la pynïaid da ka West Jaiñtia District Sports Association (WJDSA) kaba la tip kum ka ‘2nd U Adelbert Laloo Memorial Trophy’ jong ka kyrdan 3rd Division Football Tournament 2022 ba la pynlong ha madan Kiang Nangbah Stadium Jowai la pyniakhun haduh 3 tylli ki Game.
Ha jingialehkai jong ka Game kaba nyngkong la iakhun hapdeng ka Khliehmyntdu Neinchnong pyrshah ia ka Kseh Sylle Ialong, bad ha kane ka jingialehkai ka Khliehmyntdu Neinchnong kala lah ban pynliem ia ka Kseh Sylle Ialong da 1-0 kol.
Ia kane ka kol la ioh ban thep da u Lephiwanmi Kyndait ha ka minit kaba 56.
Ha ka jingialehkai jong ka Game kaba ar, ka Lymchyrmang Mihmyntdu kala lah ban pynliem ia ka Saindur Mihmyntdu da 2-1 kol. Ia ki kol na ka Lumchyrmang Mihmyntdu la ioh ban thep da u Embor Chyrmang marwei ha ka minit kaba 37 bad 44.
Katba na ka ling ka Saindir Mihmyntdu la ioh ban thep kol da u Dapmon Phawa ha ka minit kaba 14 jong ka jingialehkai.
Ha ka jingialehkai jong ka Game kaba lai ka Iongi dahi FC kala pynliem ia ka Moodymmai da 4-0 kol. Ki nongthep kol jong ka Iong I dahi ki kynthup ia u Kirot Phawa uba la ioh thep kol ha ka minit kaba 2 u Pynaimi Phawa ula thep kol ha ka minit kaba 25 bad u Ioolangki Sana ula ioh ban thep ar tylli ki kol, kata ha ka minit kaba 36 bad 57 jong ka jingialehkai.