Ka lympung ïalehkai phutbol jong ka kyrdan Super Division Football Tournament-2024 kaba la tip kum ka 4th Kyrmen Shylla Contribution Trophy ïa kaba la pynïaid da ka East Jaiñtia Hills District Football Association (EJHDFA) kaba la long mynta ka sngi 13 tarik u Naiwieng, 2024 ha madan EJDSA Artificial Turf, Diengshynrum, Khliehriat.
Haba phai sha ka jingïakhun kaba nyngkong hapdeng ka kynhun ïalehkai jong ka Thangskai Tiger SC bad ka Sutnga SSCC kila poi sha ka jingïakhaid da mar shikol (1-1). Ïa ka kol na ka Thangskai Tiger la thep da u Vendy Nongtdu haka minit ba 19. Katba naka Sutnga SSCC la thep da u Raplangki Lyngdoh haka minit ba 1.
Ha ka jingïakhun kaba ar kine ruh ki ar kynhun ka Chiehruphi SYWSC bad ka R.Iawpynsing SC kila poi sha ka jingïakhaid da mar shikol (1-1), ïa ka kol naka Chiehruphi SYWSC la thep da u Premi Muksor haka minit ba 26 bad na ka liang ka R.Iawpynsing SC la thep da u Thrangdor Swer ha ka minit ba 78.
La pyntip ka jingïakhun lashai ka sngi 15 tarik u Naiwieng kan long hapdeng ka Khliehriat West YWSC pyrshah ïa ka R.Shkenshynriah SC haka por 11:45 pm, katba ka Dhana SC pyrshah ïa ka Ladrymbai-B SC ha ka por 2:15 pm.