Ka lympung ïalehkai phutbol jong ka ‘Joybell Suiam Memorial 2nd DivisionFootball League bad ka ‘Kesilroy Pala Memorial Super Division bala pynïaid da ka Thadlaskeiñ Sports Association (TSA) West Jaiñtia Hills kaba la long mynta ka sngi 9 tarik u Nailur ha madan Wahiajer Multi-Sports Complex.
Haka jingïakhun ba nyngkong jong ka 2nd Division hapdeng ka Lumkynsaw bad ka Bamkamar SC kila poi sha ka jingïakhaid da mar shikol (1-1). Ïa ka shikol naka Lumkynsaw la thep da u Wellmanson Passah hakaminit ba 48. Katba ka shikol na ka Bamkamar SC la thep da u Daki Mukhim hakaminit ba 58.
Haba phai pat sha ka jingïakhun jong ka Kesilroy Pala MemorialSuper Division ka Lumphyrnai Sohphoh kala jop da 3-1 kol ïa ka Mookyndur, ïa ki kol na ka Lumphyrnai Sohphoh la thep da u Sumar Suting haka minit ba 17 & 78 bad u Wellson Suting ha ka minit ba 49. Ïa ka shikol na ka Mookyndur la thep da u Careful Suting ha ka minit ba 21.
La pyntip ba ka jingïakhun lashai ka sngi 10/09/2025 ha ka kyrdan jong ka Kesilroy Pala Memorial Super Division kan long hapdeng ka Heiboriong-i FC pyrshah ïa ka Nongkhroh Krem Kum.
