Ki lai tylli ki skul na ka nongbah Shillong kila poi sha ka jingiakhaid ha jinglah bha jong ki samla pule jong ki ban kynjoh sha ka thong First Ten Positions ha ka Science Stream jong ka result kaba la pynmih mynta ka sngi da ka MBOSE.
Kine ki lai tylli ki skul ki kynthup ia ka Laban Bangalee Boys Hr. Sec. School, Shillong kaba ki samla pule jong ki kila ioh ban bat ia ka kyrdan 1st, 4th bad 8th Position.
Ka St. Edmund’s Hr. Sec. School, Shillong ki samla pule jong ka kila ioh bat ia ka kyrdan 2nd, 6th bad 9th Position.
Ka St. Anthony’s Hr. Sec. School, Shillong ruh ki samla pule jong ka kila ioh ban bat 3 tylli ki position ba kynthup ia ka 3rd, 4th bad ka 5th Position.
Hadien kine ki lai tylli ki skul na nongbah Shillong bud pat sa ka skul na nongbah Jowai, ka North Liberty Hr. Sec, School, Mookyrdup, Jowai. Ki samla pule jong ka kila ioh ban bat ia kyrdan 6th bad 7th Position.
Kiwei de ki skul kiba kynjoh ha kane ka thup ki kynthup ia ka Sacred Heart Boys’ Hr. Sec. School, Shillong kaba ioh bat ia ka kyrdan kaba 9th position bad ka Mairang Prebyterian Science College (Hr. Sec. Section), Mariang kaba la bat ia ka kyrdan kaba 10th position.
Ha une u snem kila don 13 ngut baroh kiba la kynjoh sha kane ka thup Top Ten jong ka result Class 12th 2024.
