Ka jingïalehkai phutbol 2nd U Adelbert Laloo Memorial Trophy ha ka kyrdan 3rd Division Football Tournament 2022 mynta ka sngi ba la pynïaid da ka West Jaiñtia District Sports Association (WJDSA) ha madan Kiang Nangbah Stadium Jowai bad ki kynhun kiba la poi sha ka jingjop ki long ka Pasyih CSC bad Lumbhadakha Wahiajer, katba ka Mukhla Umlangshor bad Mookyrdup kila poi sha ka jingiakhaid.
Ha ka jingialehkai kaba nyngkong: ka Pasyih Cultural and Sports Club kala pynrem ia ka Royal Pole Mihmyntdu da 2-0 kol. Ia kine ki kol la ioh ban thep da u Army Siangshai ha ka minit kaba 48 bad u Deivi Rymbai ha ka minit kaba 80+1.
Ha ka jingialehkai kaba ar: ka Mukhla Umlangshor bad ka Mookyrdup kila poi sha ka jingiakhaid da mar 1-1 kol. U nongthep kol jong ka Mukhla Umlangshor u dei u Niawkor Sari ha ka minit kaba 48. U nongthep kol jong ka Mookyrdup pat u dei u Daiar Kamar ha ka minit kaba 66.
Ha ka jingialehkai kaba lai: Ka Lumbhahdakha Wahiajer kala pynrem ia ka Mookynphad Mihmyntdu da 3-2 kol. Ki nongthep kol jong ka Lumbhahdakha Wahiajer ki dei u Augustine Mukhim uba la ioh thep kol ha ka minit kaba 13, u Gideon Mukhim ula thep ha ka minit kaba 63 bad u Heimonmi Dkhat ha ka minit kaba 75.
Katba u nongthep kol jong ka Mookynphad Mihmyntdu u dei u Arwanki Rymbai uba la ioh ban thep baroh ar ki kol ha ka minit kaba 7 bad 30.