Ka West Jaiñtia District Sports Association (WJDSA) mynta ka sngi kala iohlad biang ban pyniakhun haduh lai tylli ki Game na ka bynta jong ka jingïalehkai phutbol ba la tip kum ka “2nd U Adelbert Laloo Memorial Trophy” ha ka kyrdan 3rd Division Football Tournament 2022 ha madan Kiang Nangbah Stadium Jowai.
Ha ka game kaba nyngkong ka Mupliang kala lah ban pynliem ia ka Mookaswan Dongwah da 3-1 kol. Ia ki kol na ka bynta ka Mupliang la ioh ban thep da u Dering Phawa ha ka minit kaba 2, u Elijah Ryngkhlem ula ioh thep kol ha ka minint kaba 7 bad u Emi ianga Phawa ula ioh ban thep kol ha ka minit kaba 25. Katba u nongthep kol jong ka Mookaswan Dongwah pat u dei u Jeremaiah Biam uba la ioh ban thep kol ha ka minit kaba 29.
Ha ka game kaba ar ka Tpep-pale kala pynliem ia ka Iongpiah da 1-0 kol. U R. Daosakhiat Syngkon jong ka Tpep-pape ula ioh ban pynkhih ia ka jar ha ka minit kaba 39 jong ka jingialehkai.
Ha ka jingialehkai jong ka game kaba lai, ka jingiakhun ka long kaba iakhaid da 0-0 kol hapdeng ka Sanaro bad ka Pateinki Sabah.