Ka JSU Sengkmie kala iohlad ban leit iashim bynta ha ka jingiakynduh long jong ki paid riewlum jong ka thaiñ Shatei lam mihngi ka ri India kiba hap hapoh ki Atonomous Council lane ki 6th Scheduled jong ka ri India kaba la pynlong naduh ka 29 haduh ka 31 tarik jong u bnai Lber 2022 ha Kokrajhar District Assam.
Ia katei ka jingiakynduh lang la pynbit pynbiang bad pyniaid da ka Bodoland Territorial Council ha Kokrajhar District kaba hap hapoh ka Bodoland jong ka jylla Assam.
Na ka liang ka JSU kala ioh ban iamir jingmut lang ha kane ka jingialang ha kaba la ai jingkren da u General Secretary samla Treibor R. Suchen, uba la ai jingkren halor lai tylli ki mat, kiba kynthup ia ka kam shongkha shongman, ka kam pud kam sam bad ka jingiatylli hapdeng ki paid riewlum.
Haba ai jingkren u Treibor ula ong khnang ban nang pynskhem bad pynkhlaiñ bor shuh shuh ia ka Six Scheduled lyngba ki Autonomous Council, ki paid riewlum ki dei ban kiar na ka jingshong kha khleh kulmar namar ka wan rah ia ka jingsynjor ha ka jinglong trai ri trai muluk kum ki riewlum. Ula kren ruh halor ka mat pud u sam jong ka jylla Meghalaya bad ka Karbi Anglong (Assam) bad u lah ong ba um kwah ban don ka jingiapher hapdeng kine ki ar tylli ki jaka namar ngi dei kiba rit pait hapoh ri India bad ngi dei ban ia burom kylliang kum ki paid riewlum (tribal). U la pynsngew sha ki paralok ba wan shim bynta na Karbi Autonomous Council ba ka Block 1 bad 2 ba lah i donkam shisha ban pynbeit noh ia kine ki jaka namar bun ki nongshong shnong ki shem jingeh haduh mynta bad ka sorkar ka dei ban pynphai noh ia kine ki ar Block sha ka jylla Meghalaya.
Ki dkhot jong ka JSU Seng Kmie kiba la leit iashim bynta shit rhem sha kane ka jingialang ki kynthup ia u Executive Member/Nongialam barim tam ka seng uHeibor Pariat, u Vice President – Aplang Lamare, General Secretary- Treibor R Suchen, Asst.Org secy-Franky Shylla bad u Asst.Edu secy-Dewan C Bareh.