Ka JSU Pasyih Unit mynta ka sngi hapoh ka jingialam u President u Waimi Rymbai kila leit buh da ka jingthoh bad iakynduh ruh ia u Asst. Executive Engineer (AEE) ka Shangpung Distribution Sub- Station jong ka MeECL halor ban phah pynkynriah noh ia u Post Light badon ha turning harud u surok bah NH 6 ha Hynniewmer, West Jaintia Hills District.
Kane ka jingdawa jong ka JSU ka long ba kane ka jaka ba khun ha kaba don une u Post light ka dei ka jaka kaba shait jia ka jingaksiden ba khah khah ha kane ka bynta. La lap ba bun sien ki jingjia aksiden ha kane ka jaka bad man ka por une u post light bad ki wire ba don hangne kila hap manla ka por sha khyndew na bad kane ka buh jingma ia ki nongleit nongwan.
Te na ka liang jong ka seng kala dawa ban pynkynriah noh mardor ia une u post light sha kawei pat ka jaka khnang ban shngaiñ ki nongshong shnong bad ki nongleit nongwan ban lait na ki jingjia ba sngewsih hadien habud.
