Ka Khasi Student’s Union Shangpung Unit ha ka jingïalam u President samla Phrangki Papang bad General Secretary samla Sowatki Law ha ryngkat ki dkhot jonh ka kila leit ïakynduh ïa u Regional Manager jong ka Meghalaya Rural Bank Shillong, u Bah Rana A. Lyngdoh halor ka jing bym don ki Khasi kiba trei ha Meghalaya Rural Bank Shangpung.Ka seng ka ong kane ka la buh jingeh ïaki paidbah kiba ïadei kam bad katei ka Bank namar ba bun hi ki paidbah Nongshong Shnong kim ïa sngewthuh ban ïa kren Hindi bad kitei ki Nongtrei jong katei ka Bank.Kumta naka liang u Regional Manager u lah kular ban shimkhia halor kine ki jing pynsngew ka KSU Shangpung Unit bad u la ong ba ha kine ki khyndiat sngi kin phah da ki Khasi ban pynïaid ïa katei ka Bank khnang ba kan pynsuk ïaki paidbah Nongshong Shnong katei ka Thaiñ.