Ka Dorbar shnong jong ka shnong Wapungskur, East Jaintia Hills ha ka sngi Thohdieng ka la rai ban pyrshah jur ia ka jingbuh ia ka coke unit ha Thlukure Wahtongtiang kaba don markhap bad ka shnong Mookhep.
Haba iakren bad ki nongthoh khubor hadien ba la iakynduh ia u Member Secretary ka MPSCB, u Dr. GH Chyrmang, u Waheh Shnong ka Wapungskur, u bah Postling Dkhar u la ong ba ki skhem ha ka nongrim ba kin nym ailad ban buh ia ka coke plant ha katei ka thaiñ.
U la pyntip ba ka board ka la pynthikna ïa ki ba kin sa pynlong ïa ka jingjurip biang ïa katei ka jaka ban lap lada don ne em ha ka khlaw ba la buh kyrpang kaba don marjan bad ka jaka ba la thmu ha kaba ki la ai ïa ka Consent to Establish (CTE) ban seng ïa ka coke unit.
Shuh shuh u la bynrap ba ka shnong ka sngewkhia haduh katta katta namar kumba ka paw uno uno um lah ban wan sha shnong bad leh katba mon khlem ka jingtip jong ka dorbar shnong ne u Waheh Shnong.
Katkum ka jingong jong u, kumno ka pollution kan ai CTE khlem ka NOC na ka dorbar shnong.
Ka Dorbar Shnong ka la kyndit ban tip ba ka Meghalaya State Pollution Control Board (MSPCB) ka la ai ia ka Consent to Establish CTE khlem ka jingtip jong ka shnong.
