Ka Jaiñtia Student Movement (JSM) Western Region Education Cell hapoh ka jingialam u samla H. Supuh Secretary Education cell ryngkat bad ki nongialam ka JSM Jowai Circle ki la leit ban ia kynduh ia u Principal ka Kiang Nangbah Higher Secondary School ha ka jingiadei bad ka jingduh class ki khynnah.
Na ka liang u Principal ruh u la ai ka jiingiaroh ia ka JSM ba ka la iohi ia kane ka jingeh jong ki khynnah pule, ha kaba na ka liang jong u, u la iathuh ba kum ba long mynta ba ym don seat shuh (Over Capacity) ban pdiang namar ka daw ka long ba duna ki class room da kaba ong ruh kumba long mynta don haduh 400 ngut ki khynnah ha ka Day Section Arts bad ha ka morning section ki la don haduh kumba 400 tam. Tangba wat la katta ruh u Pricipal u la ong yn sa bishar bniah biang ia ka jingeh jong ki khynnah ba ioh class.
Hadien ba ka la dep ban ia kynduh ia u Pricipal ka seng ka la ia kynduh sa ia u DC West Jaiñtia Hills, khnang ban pynbeit kloi ia kane ka jingeh jong ki khynnah pule kham tam kiba leit class XI.