U Bah Shakliar Warjri, Minister ba khmih ia ka kam ïalehkai (Sports) ha ka 17/9/24 u la ioh bad ïakynduh ia ki katto katne ki nongialam ka West Jaiñtia Hills District, na ka bynta ka jingialang (meeting) ban pynkhreh ia ka Meghalaya Games ka ban sa long ha u snem 2025.
Ha katei ka jingialang la ioh ban don ryngkat da u MLA na Jowai, u ma Wailadmiki Shylla, Deputy Commissioner West Jaintia Hills, Engineer SSCM, ki nongïalam jong ka Meghalaya Sports and Youth Affairs, ki dkhot ka Meghalaya State Olympic Association bad kiwei kiwei.
Lyngba katei ka jingiakynduh, ka Jowai bad Wahiajer kadei ka jaka kaba la pyntikna ba yn pynlong ia ka Meghalaya Games 2025. La ioh ban iakren ia ka jingdonkam na ka bynta ka jingkyrshan ki paidbah, ki bor pulit bad khamtam ka jingïatreilang ki nongialehkai na kylleng ka jylla, ban pynbit pynbiang ia ka jaka sah, ka rukom bam bad kiwei. Ia ka tarik ba tikna bad ki jingdonkam baroh la rai ban sa pyntip kham hadien, kata hadien katei ka jingialang.
Kum ban shu pynkynmaw, ha u Kyllalyngkot mynta u snem ka Tura ka la pdiang (host) ia kane ka rynsan kaba heh bad ka East Khasi Hills ka la ioh ban rah ia ka nam lahduh.